Мисс ээжүүдийн тэмцээнд түрүүлсэн М.Сэлэнгэ герман нөхөртөө эрхэлж явна

2 months ago admin 0

Герман эртэй ханилж, гурван ч хүүхдийн ээж болоод байгаа загвар өмсөгч М.Сэлэнгэ өнгөрсөн жил зохион байгуулагдсан “MRS WORLD” тэмцээнд эх орноо төлөөлөн оролцож, миссийн титэм гардаад ирсэн азтай бүсгүй. Ээж болсон хэдий ч гоо сайхан, бие галбиртаа онцгой анхаарч мисс, загвар өмсөгчдөөс дутахааргүй үзэсгэлэнтэй харагддаг эмэгтэйчүүд тус тэмцээнд өрсөлддөг бөгөөд манай улсаас анх удаа загвар өмсөгч М.Сэлэнгэ оролцсон нь энэ.

Нэгэн цагт өөрийн дүү болох М.Хэрлэнгийн хамт “Гоёл-2006” наадмын тайзнаа “Шилдэг эмэгтэй загвар өмсөгч”, “Шилдэг эрэгтэй загвар өмсөгч” өргөмжлөл гардаж байсан тэрбээр миссийн тэмцээнд ч амжилт гаргаж явсан сайхан бүсгүй. “Монголын сайхан бүсгүй-2001” тэмцээнээс “Тана эрдэнэ” өргөмжлөл хүртэж, “Хамгийн гоолиг биетэй мисс”-ээр тодорч байсан М.Сэлэнгэ эмч залуутай ханилж, хөөрхөн хүүтэй болоод хэсэгтээ л энэ талбараас холдсон.

Гэвч анхны амьдрал нь бүтэлгүйтсэний дараа Герман орныг зорьж, төд удалгүй харь эртэй ханилсан мисс, загвар өмсөгч М.Сэлэнгэ өөрөөсөө нэлээд хэдэн насаар ахимаг нөхөртөө ихэр хөвгүүд төрүүлж өгсөн билээ. Германд сүр дуулиантайхан хуримласан загвар өмсөгч маань багагүй хугацааны дараа эх орондоо ирж төвхнөсөн бөгөөд тэмдэглэлт баяр ёслолоор ийнхүү эр нөхөртөө эрхэлж суудгаа гайхуулжээ.