Францын алдарт эмч Пьер Дюканы хоолны тураах дэглэм хамгийн сайн нөлөө үзүүлж байна

3 months ago admin 0

2 ихэр хүүхэд тээгээд 96кг болж төрөөд сүүлийн 6сарын дотор 85кг-58кг болж санасандаа хүржээ. Энэхүү хоолны  дэглэмийн нэг онцлог нь хоолоо хязгаарлахгүйгээр турахад оршино. Тиймээс дэлхийн олон сая хүмүүс энэ дэглэмийг барьж амжилттай турсан байна. Энэхүү дэглэм нь 4 үе шаттай.

  • 1-р үе: ДОВТОЛГОО ҮЕ

Довтолгоо – Маш богино боловч хамгийн үр ашигтай шат бөгөөд энэ үед танд зөвхөн уурагтай хүнсний бүтээгдэхүүн хэрэглэхийг зөвшөөрнө. Жингийн илүүдэл ямар байхаас үл шалтгаалан хоолны дэглэм ямагт цэвэр уургаас эхэлдэг. Энэ шат нь 2-оос 10 хоног үргэлжилдэг. Үргэлжлэх дундаж хугацаа нь 5 хоног байна. Энэ нь илүүдэл жин 10-20 кг-ийн хооронд байдаг хүмүүст таарна. Энэ шатанд жин эрс хасагддаг бөгөөд энэ нь хоолны дэглэмээ цаашид үргэлжлүүлэхэд хүчтэй түлхэц болдог.

⭐️5 кг хаях бол – 3 өдөр барина.
⭐️5-10 кг хаях бол – 5 өдөр барина.
⭐️10 кг хаях бол – 7 өдөр барина.
⭐️20-30 кг хаях бол – 10 өдөр барина.

Доорх хүнсийг хүссэн хэмжээгээр, дуртай цагтаа идэж, хооронд нь хольж болно. Үүнд:

  • Адууны мах (гэдэсний доод хэсгээс бусад хэсэг болно);
  • Үхрийн мах (хавирганаас бусад хэсэг, учир нь эдгээр нь өөх тослог ихтэй);
  • Дайвар бүтээгдэхүүн (хэл, элэг);
  • Шувуу (галуу, нугаснаас бусад). Арьсыг нь идэж болохгүй;
  • Туулайн мах;
  • Утсан мах (тахиа бол 2 – 4 хувийн тослогтой);
  • Бүх төрлийн шинэ загас – улаан, цагаан (улаан загасны өөх тос биед их сайн учраас улаан загас идэж болно);
  • Утсан загас (тослог нь 10 хувиас дээшгүй), лаазалсан загас (тосгүй);
  • Хавчны мах;
  • Далайн бүх бүтээгдэхүүн (сам хорхой, хавч, хясаа гэх мэт.)
  • Өндөг (өндөгний шар тослогтой тул өндөгний цагаан голдуу идэх). Өндөгийг чанах буюу шараад идэж болно, гэхдээ тос хэрэглэхгүй
  • Тослоггүй сүүн бүтээгдэхүүн – 0 хувийн тослогтой. Амталсан болон жирийн йогуртыг хичнээн ч идэж болно. Харин жимстэй йогуртыг өдөрт 1 ширхэгийг л хэрэглэхэд болно. 1-р шатанд хамгийн сайн үр дүнд хүрэхийг хүсч байвал түүнээс бүрмөсөн татгалзах хэрэгтэй.
  • Овъёосны хивэгийг өдөрт 1,5 хоолны халбага каша, бин болон сүүн бүтээгдэхүүнд нэмж идэх. (амт оруулагч болон амт оруулагчгүй). Эхний шатанд хэмжээг хэтрүүлж болохгүй.
    Ундаа: Ус, цай, кофе, ургамлын ханд, хийжүүлсэн ундаа.

Хориглох зүйл: Гахай ба хонины мах, элсэн чихэр (хиймэл амт оруулагчийг хэрэглэж болно), кетчуп, ургамлын тос.
Төрөл бүрийн ургамал, амтлагч хэрэглэх нь асуудалгүй. (ногоон гоньд, яншуй), цагаан цуу, сонгино, гич (бага хэмжээгэр), сармис, нимбэг (зөвхөн амтлах зорилгоор) зэргийг хоолонд амт оруулах зорилгоор хэрэглэх.

Хоолыг бэлтгэх арга:

Хүнсийг грилл, шарах шүүгээ болон жигнүүрт жигнэх маягаар хэрэглэж болно. ХООЛ ХҮНСИЙГ ХООРОНД НЬ ХОЛЬЖ БОЛНО. Гол хоол бэлтгэхдээ ТОС (цөцгийн тос, ургамлын тос, зөөхий гэх мэт) ОГТ ХЭРЭГЛЭЖ БОЛОХГҮЙ!!

Зөвшөөрсөн хоол хүнсийг өдрийн аль ч цагт хичнээн хэмжээгээр идэж болно. Хоол идэх үеийг алгасаж болохгүй гэдгийг сана. Хоол алгасвал дараачийн хоолны илчлэгийг хэтрүүлэх талтай.

Өдөрт заавал 1.5-2 литр шингэн уухаа сайтар сана.

ЭХНИЙ ШАТАНД бие махбодийн хэт ачаалал авахаас зайлсхий. Түүний оронд өдөрт 20-оос доошгүй минут явган явж байх.

  • 2-р үе: ЭЭЛЖЛЭХ ҮЕ

Ээлжлэх – Энэ бол жингээ хасах гол шат. Энэ үе шат нь зорьсон зорилгодоо хүрэх хүртэл үргэлжлэх бөгөөд хатуу баримтлана. (Дундаж үр дүн –тухайн шатны нэг 7 хоногт 1 кг хаях).

Цэвэр уурагны өдрүүдийг уураг-ногооны өдрүүдээр ээлжилнэ. Өрөөр хэлбэл цэвэр уураг бүхий хүнс нь 1-р шатанд идэж дассан хүнснүүд юм. Харин уураг-ногооны өдрүүдэд уурагтай хүнсэн дээр түүхий болон болгосон ногоог нэмж идэж болно. Уургийг орлуулах бус дээр нь нэмж идэх гэдгийг санаарай. Ногоог хэрэглэхдээ уургаа мартаж болохгүй. Учир нь уураг хоолны дэглэмийн үндсийг бүрдүүлнэ.

Уураг болон уураг-ногооны өдрүүдийг хэрхэн ээлжлэхийг өөрөө шийднэ. 5/5 харьцаатай схем буюу 5 хоног цэвэр уураг, дараагийн 5 хоног уураг-ногооны өдөр гэх мэт. Эсвэл 1/1, буюу 1 өдөр цэвэр уурагны өдөр, дараагийн өдөр уураг-ногооны өдөр болгох зэргээр ээлжилж болно.

1/1 схем нь илүү оновчтой гэж үздэг байна. Тэгээд ч аль алины үр дүн ижил байдаг.

Зөвшөөрөх ногоо: Улаан лооль, өргөст хэмх, бууцай, редиска, мөөг, байцаа, цоохор майлз, яншуй, бүх салатны навч, хаш буюу чэс, чинжүү. Лууван, хүрэн манжинг хааяадаа идэж болно.

Хориглох ногоо: Төмс, эрдэнэ шиш, вандуй, шош.

САНАМЖ: Салатанд тос бүү хий! Тэдгээрийг 0 хувийн йогурт, бальзамтай цагаан цуу зэргээр амталж байх. Хоолны амтыг сайжруулахын тулд сармис, өвс ногоо нэмж болно.
Бэлтгэх арга:

Ногоог түүхийгээр болон чанах, уураар /жигнэх, битүү шарах /болгох, шарах шүүгээнд жигнэх/ шарах маягаар болгоно. Гэхдээ тос огт ХЭРЭГЛЭХГҮЙ. Ногоог өлөнгөө дартал идэхээс хэтрүүлж болохгүй. Хоёрдугаар шатанд өдөр бүр овъёосны хэвэг 2 хоолны халбага идээрэй. Өдөрт 1.5-2 литр ус ууж, дор хаяж 30 мин явган явахыг бүү мартаарай!

Зарим бэрхшээл: 2-р шатанд таны жин буурах явдалд зогсонги байдал ажиглагдана. Өөрөөр хэлбэл 1-2 долоо хоног жинд өөрчлөлт гарахгүй байж магадгүй. Энэ үед шантарч бууж өгч болохгүй. Удахгүй таны жин буурах нь мэдэгдэнэ.

Хоолны дэглэм барьж эхэлснээс 2 сарын дараа таны жин их удаан буурдаг болохыг тэмдэглэе. Учир нь таны бие махбодь хамгаалалтын механизмыг ажиллуулж эхэлдэг. Энэ үед жин сард 1,5 – 2 кг буурдаг. Яг энэ үед дэглэмээс хазайх хандлага байдгийг анхаарна уу.

Хэрэв танд 2-р шатыг давахад маш хэцүү байгаа бол танд 2 арга зам байна.

1) Өөрийгөө барьж өмнөө тавьсан зорилгоор өөртөө урам зориг өгөх. Ийм үед дэлгүүр хэсч, арай бага хэмжээтэй хувцас өмсч үзээд өөртөө урам өгөх нь сайн арга.

2) Энэ үед 2-р шатны дэглэмээ зогсоож шууд 3-р шат руу орох

Таатай үе мөч: 2-р шатнаас эхлээд хатуу тогтсон хэмжээнд буюу өдөрт 2 порцоос дээшгүй хэрэглэж болох (нэг порц = жагсаалтад заасан дозоор). Эдгээр бүтээгдэхүүнийг сүүлчийн 2 үе шатны уурагтай хоолны өдрүүдэд хэрэглэж болохгүй байдаг.

  • 3-р үе: БАТАЛГААЖУУЛАХ ҮЕ

Баталгаажуулах – Энэ шатанд та жингээ хасахгүй, харин олсон үр дүнгээ удаан хугацаанд хадгалахын тулд бие махбодио хооллолтын шинэ тогтолцоонд дасгах шат мөн. Энэ бол зөв хоололтыг бий болгох замд зайлшгүй байх ёстой үе. Энэ шат бол сэтгэл зүйн хувьд хамгийн хүнд үе байдаг. Яагаад гэвэл та хүссэн үр дүндээ хүрсэн боловч бас л их хэмжээний хязгаарлалттай тулгарах болдог, учир нь бие мах бодь чинь алдсан жингээ хэдийд ч нөхөхөд бэлэн байдаг.

Энэ шатны үргэлжлэх хугацааг бодохдоо 10 хоногт нэг килограмм хасна гэж тооцоолно.

Хаях жин /кг-маар/ 3-р шатны үргэлжлэх хугацаа:

  • 5 кг 50 өдөр (≈2 сар)
  • 10 кг 100 өдөр (3 сар гаруй)
  • 20 кг 200 өдөр (6 сар гаруй)
  • Үргэжлэх хугацааг урьдчилан тооцоолох хэрэгтэй, учир нь энэхүү шатны эхний хэсгийн хоолны цэс нь 2 дахь үеэс ялгаатай байдаг.

Энэ бол маш чухал үе! Таны хоолны цэс өргөжиж илүү илчлэг, амттай хүнс нэмэгддэг. Гэхдээ эдгээрийг хэрэглэхдээ хатуу дэг журам баримтлах ёстой. Өөөрөөр хэлбэл хэмжээг нь хэтрүүлбэл таны жин өсөх аюултай. Энэ шатанд та 7 хоногт 6 өдөр уураг болон ногтоотой хоол идэж болно.

Ногоо, уургаас гадна баталгаажуулах шатны нэгдүгээр үед дараах хоолыг нэмж идэж болно.
Үүнд:

  • Бүтэн үрийн болон уураг-хивэгний талх 2 зүсэм (өдөрт);1 порц жимс (өдөрт);
  • 40 гр бяслаг (өдөрт);
  • 1 порц цардуултай бүтээгдэхүүн (7 хоногт нэг удаа);
  • Гахайн махан хоол, утсан гахайн мах (7 хоногт 1-2 удаа);
  • 1 баярын хоол (7 хоногт)

Баталгаажуулах шатны 2 дах үед дээрх хоолон дээр нэмээд

1 порц цардуултай бүтээгдэхүүн (7 хоногт 2 удаа болно гэсэн үг)

1 баярын хоол (7 хоногт 2 удаа болно гэсэн үг, гэхдээ дараалсан 2 өдөр хэрхэвч болохгүй).

Энэхүү 3 дахь шатанд өдөр бүр 2 хоолны халбага овъёосны хивэг идэж байгаарай.

7 хоногт 1 өдөр, Пүрэв гарагт цэвэр уурагтай хоолны өдөр болго. Өөрөөр хэлбэл, Пүрэв гарагт “Довтолгоо”-ны үед хэрэглэж байсан хүнсийг идэх шаардлагатай. Энэ бол зайлшгүй шаардлагатай бөгөөд үр дүнтэй арга хэмжээ юм. Өдөрт 1,5 литр ус ууж, явган явахаа мартав! Энэ шатанд хамгийн багадаа 25 минут явааарай.
Шинээр нэмэгдсэн хүнсний талаарх тайлбар:

1) Жимсний хувьд бүгдийг хэрэглэж болно, гэвч гадил, усан үзэм, интоор, хатаасан жимс БОЛОХГҮЙ. Мөн самар идэх хориотой. Нэг порц жимсэнд 1 ширхэг жимс (том жимний хувьд) буюу өдөрт 1 ширхэг алим буюу лийр идэж болно, 2 порц гэвэл 2 ширхэг болно гэсэн үг.

2) Бяслагны хувьд хатуу сортынх зүгээр. Эдгээр нь 16-17 хувь тослогтой учир өдөрт 60 гр хүртэл хэрэглэж болно. Ямааны сүүгээр хийсэн бяслаг болон Рокфор төрлийн бяслаг хэрэглэхгүй байх нь дээр.

3) Крахмалтай бүтээгдэхүүнийг хэрэглэх тухайд дараах бүтээгдэхүүнүүд байна. Хамгийн эхнийх нь хамгийн сайн, хамгийн сүүлчийнх нь хамгийн бага хэрэглэх бүтээгдэхүүн юм. Үүнд:

-Улаан буудайн хатуу сортоор хийсэн гоймон;

-Цагаан будаа ба төмс

4) “Баярын хоол” гэдгийг тайлбарлая.

Та хүссэн хоолоо өдрийн турш идэж болохгүй. Өдөрт зөвхөн нэг удаа, өглөө, өдөр юмуу оройн хоолон дээр та өөрийгөө баярлуулж болно. Өөрөөр хэлбэл, та нэг л удаа шоколадтай бялуу юмуу цөцгийн тостой паста идэж болно. Тэгэхдээ идэх порцон дээр нэмж идэж болохгүй. Идэж буй хоолоо амтлан удаан идээрэй.

  • 4-р үе: ТОГТВОРЖУУЛАХ ҮЕ

Тогтворжуулах шат – Сүүлчийн шат. Энэ шатанд жингээ бүрмөсөн тогтвортой барина гэсэн үг. Хэдэн сар хоолны дэглэм барьснаар та хүссэн жиндээ хүрч, түүгээр ч барахгүй зөв хооллож сурсан. Эдгээр дадлыг та насаараа хадгалах болно. Гэсэн хэдий ч дахин жингээ нэмэх аюул хэвээр энэ шатанд байсаар байна. Үүнээс зайлсхийхийн тулд зарим нэг зүйлийг баримтлах хэрэгтэй.

Баталгаажуулах дэглэмийг хооллолтын үндэс болгох хэрэгтэй. Өөрөөр хэлбэл, ногоо ба уураг ямагт таны хоолны үндсэн бүтээгдэхүүн байх болно. Мөн бүхэл үрийн талх, 1 порц жимс, бяслаг идэж бай. 7 хоногт нэг удаа 2 порц крахмалтай бүтээгдэхүүн, 2 удаа баярын хоол идэж өөрийгөө баярлуул. 1 өдөр, пүрэв гарагийг уурагтай хоолны өдөр болго.

Сүүлчийн шатанд хамаатай чухал тайлбар:

Яагаад Пүрэв гараг гэж? Та 7 хоногийн аль ч өдрийг сонгож болох боловч бүх эх сурвалжид пүрэв гарагийг дурдсан байдаг учраас энэ нь зааварчлага мэт болсон. Тиймээс сэтгэл зүйн хувьд ч дагахад амар. Уурагтай хоолны пүрэв гараг нь дахин жин нэмэхээс хамгаалах механизм болж, гайхамшигтай үр дүн үзүүлдэг. Бага зэрэг тос, нүүрстөрөгч хүртэл уурагтай хоолны өдрийн үр дүнг баллах аюултай учраас хоолны энэхүү дэглэмийн сүүлийн шатанд хоолны цэсэнд зарим нэг өөрчлөлт оруулдаг.

а) Өөх тос багатай мах буюу адууны мах, үхрийн өөх багатай махан стейк, туулай, тугалын мах зэргийг санал болгодог.
б) Улаан загасны мах 200 грамм, утсан загас 150 граммас дээш хэрэглэхгүй. Харин цагаан загас сүүлийн шатны пүрэв гарагийн гол хоол болох ёстой. Далайн хүнсний бүтээгдэхүүнийг хязгааргүй хэрэглэж болно.

в) Галуу, нугаснаас бусад төрлийн шувууны мах идэж болно. Тахианы махыг арьсыг нь хуулж идэх хэрэгтэй бөгөөд далавч, хөлний дээд хэсгийг хэрэглэхээс зайлсхийх. Тахианы цээжний арьсыг авч хаях. Аль ч шувууны махыг амтлахдаа тослоггүй аарцны соусыг хэрэглэнэ. Амтлагч ногоо нэмж болно.

г) Өндөг нь уурагтай хоолны цэсэнд орсоор байна. Гэхдээ таны жин тогтворгүй байдаг, дээр нь тос ихтэй хоол идсэн бол өндөгний шар идээд хэрэггүй. Өндгийг шарж идэх бол тос хэрэглэж болохгүй учраас ёроол нь түлэгдэггүй сав хэрэглэ.

д) 0 хувийн тослогтой сүүн бүтээгдэхүүн жин хасч буй хүмүүст хэрэгтэй байдаг. Гэхдээ сүүлийн шатанд сүүн бүтээгдэхүүний лактозыг шалгаж, лактоз багатайг хэрэглэ.

е) Уурагтай хоолны пүрэв гарагт давсыг маш бага хэрэглэ.
Сүүлийн шатанд өдөр бүр 1,5 литр ус ууж байх зуршилтай болох. Уурагтай хоолны өдөр 2 литр шингэн ууж болно.

Сүүлийн шатны зайлшгүй нөхцөл бол өдөрт 3 хоолны халбага овъёосны хивэг хэрэглэх. /ямар ч хэлбэрээр болно/

Эдгээр энгийн дүрмийг зайлшгүй дагаж насан туршдаа баримтлах ёстой. Ингэснээр та хүрсэн үр дүнгээрээ бахархах болно.

Хэрэглэж болох хүнс – Энэ бол тодорхой хэмжээгээр хэрэглэж болох бүтээгдэхүүнүүд юм. Хоёрдахь шатанд аль ч өдөр нэг бүтээгдэхүүнээс 2 порц буюу 2 өөр бүтээгдэхүүнээс 1 порц хэрэглэж болно. Хэрэглэж болох бүтээгдэхүүнийг “баталгаажуулах” болон “тогтворжуулах” шатны уурагтай хоолны өдөр хэрэглэж болохгүй.

Биеийн ачаалал: Хоолны дэглэм мэдээж маш чухал, гэхдээ биеийн хөдөлгөөн хэрэгтэй. Жин хасах үед хүний арьс унжиж, булчин сулардаг. Түүгээр барахгүй биеийн ямар нэгэн ачаалал байхгүй бол хоолны дэглэмийн үр дүн маш их буурдаг. Булчин, арьсыг чангаруулахын тулд Пьер Дюкан явган явах нь хамгийн амархан, ашигтай бөгөөд энгийн дасгал гэж зөвлөдөг.

Явган явахдаа өөртөө тохиромжтой ямар ч үед, ямар ч гуталтай байж болно. Гэхдээ юманд яарч байгаа мэт хурдан алхах хэрэгтэй. Эхний шатанд өдөрт 20 мин, 2-р шатанд 30 минут, 3-р шатанд 25 минут, 4-р шатанд 20 минут явж бай.

Энэ бол наад зах нь, та дуртай бол илүү ч явж болно. Хамгийн ашигтай биеийн хөдөлгөөнд сэлэлт ордог. Усан сэлэлт, хоолны дэглэм хоёрыг хослуулснаар гайхамшигтай үр дүнд хүрч болдог. Өдрийн турш аль болохоор хөдөлж байх хэрэгтэй. Бага зэргийн ачаалалтай байх, огт ачаалал авахгүй байх 2-ын хооронд их том ялгаа бий гэдгийг санаарай!!!